ПРЭС-РЭЛІЗ
04.12.2024 г.ПРЭС-РЭЛІЗ
г. Вашынгтон, акруга Калумбія
Выклікаюць неўразуменне сённяшнія нататка для СМІ і факталагічная даведка офіса прэс-сакратара Дзярждэпартамента ЗША.
Мы ў Беларусі адкідаем непрыкрытае ўмяшанне ў нашы ўнутраныя справы праз правядзенне гэтак званага «другога стратэгічнага дыялогу» з нікім; праз пералік няшчырых патуг па «падтрымцы дэмакратычных памкненняў» беларускага народа.
Заклікі, заўвагі, асуджэнні, абмеркаванні «удзельнікаў», уручную адабраных рэжымам Байдэна, бессэнсоўныя, марныя і нерэлевантныя.
Амерыканскаму рэжыму варта было б заклапаціцца сваімі ўласнымі ўсюдыіснымі ўнутранымі праблемамі і абуральнымі парушэннямі правоў чалавека, шырока прызнанымі аўтарытэтнымі міжнароднымі арганізацыямі па правах чалавека і сумленнымі амерыканскімі палітыкамі.
Кіраўніцтва і Урад Рэспублікі Беларусь падсправаздачныя толькі беларускаму народу, і нашы прэзідэнцкія выбары пройдуць 26 студзеня 2025 года ў поўнай адпаведнасці з Канстытуцыяй Беларусі і Выбарчым кодэксам Беларусі. Нам лепш ведаць, як правесці свабодныя і сумленныя выбары, без патурання бессэнсоўным хаценням і дзівацтвам заходніх «дэмакратызатараў».
Наша краіна і наш народ сёння як ніколі адзіныя і гатовы паспяхова спыняць і стрымліваць любыя замахі, накіраваныя на падрыў Незалежнасці і Суверэнітэту Рэспублікі Беларусь.
